close
抾牛屎3/1(五之二 ）校正过
細漢的時，佇庄跤，牛、豬、雞、狗、貓，六蓄中，in是作穡人，家家戶戶重要的家伙，牛是莊稼作穡人重要的工作伙伴，毋管是拖牛車載重、犁田、踏割耙。
彼當時，社皮庄裡人出入作穡，有一條路唯胡厝厝頭前，迵跨過台糖蔗埕鐵支路，閃過吉成公廟仔邊，是前往農田佮溪埔農場的路線，是庄子內及隔壁村，土庫厝庄佮社中村的農民，每一日去園做穡必經的道路。逐日透早，三、四點的時陣，猶暗瞑摸的時，著有相連紲，牛拖牛車的聲，瓏瓏叫經過。吃過早頓飽歪歪的牛隻，無賴久，牛車路中央，三兩步路，就有一垺pu5、一垺Pu5的牛屎，疶tshuah咧車轍中央，若無處理，缀咧後尾的牛隻行過thun-踏，經過曝日一工後牛屎焦脯，真緊著生了牛屎龜，一群胡蠅，來佇牛屎頂面，飛來舞去。
早期，豬、牛的屎尿，是農作物尚好的營養分。族內有一位叔伯阿伯，阮攏叫伊寬量伯仔，是阿爸的叔伯兄弟，伊退休後，買一个畚箕、一支鋤頭，軁nng3入去畚箕綁好的麻繩耳，掮khainn佇咧肩胛頭正爿，踮牛車駛過的路，行一逝tsuā來、一逝tsuā去咧巡視，遐是他透早活動的一項穡頭。庄內出入的人，常常會看到他老人家，向彎著尻脊骿，共kā還咧嗆煙的牛屎，寬寬仔用鋤頭耙入去畚箕內，才用鋤頭柄，掮khainn咧肩頭胛頭，掮khainn轉去倒蹛一個苴稻草和甘蔗箬ha̍h堆裡，漚au糞，堆疊纍積到一段時間，就是農作物的有機堆肥，才一車一車賣予作田人，共糞圾變現金，遮的收入，是伊的老私奇sai_khia，麻是庄跤人彼號克苦耐勞的精神。有一工，無看到寬諒伯仔出門，彼日牛車路的牛屎，予牛跤蹄thun2踏tah8，日頭曝乾的牛屎𥚃，胡蠅食㣛飽歪歪，一群讀書放學的孽譎giat8-Khiat囡仔，圍倚攑竹桮抐耍牛屎龜，胡蠅歡頭喜面咧跳舞。這群囡仔哪耍哪唸：「胡Hoo5蠅沾屎疕，吾來著爬起。」紲落一个一个双跤褫開，開尻縫迒hānn跳過彼垺牛屎，一个無細膩予牛屎跙一倒，尻川䫌頓塌坐，四跤向上天。
後來是讀書囡仔𨑨迌的tshit-thô5的四句聯：「胡蠅沾屎疕，吾來著爬起；牛屎滑一跙，硩死牛屎龜。」
抾牛屎的時間是透早透暗，這號骨力的精神
庄內，若有時少年人暗睏晏起，老祖母著會踮房間外，柴屐聲硞硞叫，行一逝來，一逝去，喙裡踅踅唸se̍h-se̍h-liām，訓示囝孫說：陀一個富戶攏起來了矣，天頂的金仔角，若落落來麻抾不到，連牛屎麻予人耙了了矣。意思是咧講：早起的鳥仔有蟲吃，用來勉勵囝孫克勤克儉，愛拍拚。寬量伯仔抾牛尿的故事，予序大人用來勉勵囝孫的佳話。
全站熱搜
留言列表
