花，生菜瓜。龜蠅、蜜蜂、蜂龜仔、瓢蟲、颺颺飛，食物鏈拄遮進行著，菜瓜生出來時，愛穿網仔衫，若蜂仔龜叮到，就夭折脫落。
今仔日早起，我共菜瓜沃水時，順紲蹲落來，把雜草薅掉，擱挖一兮窟仔，落了一大觳兮有機肥、豆箍粉，又沃了八株已有收成的麻薯茄，佇斡轉角兮所在，赫然發現，一欉菜瓜藤頂半截，已經予鵝仔喙啄斷去、擱吃掉，原來亞鉛網仔接頭，有離一个縫，鵝仔兮頭是按遮軁入來，牠馬真竅，人講：鵝仔見青著食，實在無錯；亞鉛網仔界線兮西爿面，果子園是牠們的活動空間，一日到晚四界揣食，人若行倚，伊就哈！哈！頷頸伸長長欲供人叨，讓我怕佮－直起雞母皮，牠是在圍護牠的地盤，最近鵝公兮脾氣特別大。
在巡視著遮兮長佮比人較高兮菜瓜，佇一欉芎蕉樹跤，看到一堆誠顯目，牛乳白色、橢圓形物仔閃爍著，予我目睭褫金詳細看，不覺大聲叫喊著：鵝蛋啦！一、二、三、四，喔！有四粒！芎蕉頭予鵝仔喙啄了一凹，用枯焦葉仔菹著，做了一个岫，這是鵝媽媽第二次生蛋。大山說：前一陣仔，連紲絞兩袋較有營養兮豆箍粉予食，最近定定聽到鵝夫妻，辦完傳續後代大事後的嘎嘎叫聲，就揣時間佇鵝滌仔內供做一個岫，想袂到伊煞毋佮意，擱佇外面沮芎焦籜，做一個家己感覺較四是兮岫，準備好生湠。
記得舊年鵝仔頭一擺，相續的生了十三粒蛋，有些與親友分享，其間遇到愿佮朋友綴團去國外旅遊，結束行程轉來，踏入厝內放下行李，行到果子樹跤，去看久別兮鵝夫妻，牠們從園尾，搖搖擺擺，帶領倆隻黃錦錦，毛茸茸兮鵝寶寶，敢若真幸福擱嬈俳兮模樣，雄雄予愿驚一趒，一時予我徛佇遐愣愣，煞毋知欲如何？行擱較倚去看，原來牠们佇阮出國兮時，偷偷仔孵出來兩隻囝，看著大山伸出溫柔的手，去抱鵝寶寶時，兩人相視而笑，我笑著說：咱們有了鵝孫子！你當鵝爺爺了！快供孤起來，囥入去紙盒仔內，用鵝仔囝飼料予伊叨。
據記載：鵝是由野雁馴化而來，性情溫和，氣質風流俊逸，雄姿英發而機警雅潔，對愛情「堅貞」，若結為夫妻，便終身相伴，白頭偕老。因而在古代兒子定婚，女兒出嫁，喜用一對鵝作為聘禮或嫁妝，象徵夫妻和睦，終身不渝。
留言列表
